Sosial şəbəkələrdə qeyri-etik davranışları ilə bağlı daha bir şəxs inzibati məsuliyyətə cəlb olunub.
İlkinxeber.az informasiya agentliyi məlumat verir ki, 31 yaşlı Masallı rayon sakini Samirə Baxışova (şərti ad) gecə saatlarında TikTok platformasında canlı yayım açaraq nalayiq ifadələr işlədib. Bununla bağlı onun barəsində İnzibati Xətalar Məcəlləsinin 510.2-ci maddəsi ilə protokol tərtib olunub.
Üç uşaq anası olan qadın məhkəmədə bildirib ki, canlı yayım zamanı izləyicilər tərəfindən təhqir olunub və buna görə emosional davranaraq nalayiq ifadələr işlədib. O, həmin vaxt spirtli içkinin təsiri altında olduğunu və törətdiyi əmələ görə peşmanlıq keçirdiyini deyib.
Məhkəmənin qərarı ilə Samirə Baxışova 700 manat məbləğində cərimə olunub.
