2026-cı tədris ili üzrə ali təhsil müəssisələrinin magistratura səviyyəsinə qəbul planında dəyişiklik edilib.
İlkinxeber.az informasiya agentliyi məlumat verir ki, bu il qəbul planında Naxçıvan Müəllimlər İnstitutu yer almayıb. Belə ki, ötən il institut üzrə magistratura səviyyəsinə 30 plan yeri ayrıldığı halda, cari ildə bu göstərici sıfıra endirilib. Nəticədə, həmin ali təhsil müəssisəsində magistratura üzrə qəbul tamamilə ləğv olunub.
Eyni zamanda qeyd olunur ki, Naxçıvan Muxtar Respublikasında fəaliyyət göstərən digər ali təhsil müəssisəsi – Naxçıvan Dövlət Universiteti üzrə magistratura planında artım qeydə alınıb. Universitetdə qəbul yerlərinin sayı 299-dan 355-ə yüksəlib ki, bu da 56 yer və ya 18.7 faiz artım deməkdir.
