Bakıda və Abşeron yarımadasında müşahidə olunan küləkli hava şəraiti sentyabrın 8-i səhər saatlarından etibarən zəifləyəcək və tədricən kəsiləcək.
ilkinxeber.az informasiya agentliyi xəbər verir ki, bu barədə Milli Hidrometeorologiya Xidmətinin Hidrometeoroloji Proqnozlar Bürosunun direktoru Gülşad Məmmədova məlumat verib.
Hazırda ölkə ərazisinin ayrı-ayrı yerlərində küləkli və yağıntılı hava şəraiti müşahidə olunur. Yağıntıların ayrı-ayrı ərazilərdə leysan xarakterli olacağı gözlənilir.
Milli Hidrometeorologiya Xidmətinin məlumatına görə, sentyabrın 8-də Bakıda və Abşeron yarımadasında yağış yağacağı, bəzi yerlərdə leysan və şimşək olacağı ehtimal edilir. Yağıntılar gün ərzində tədricən kəsiləcək.
