İLKİNxeber.az xəbər verir ki, tədbir Cəlilabad rayon Heydər Əliyev Mərkəzində təşkil olunub.
Tədbirdə rayon icra hakimiyyətinin başçısı Rafiq Cəlilov, hüquq mühafizə orqanlarının rəhbərləri, idarə, müəssisə və təşkilatların nümayəndələri, həmçinin rayon ictimaiyyətinin üzvləri iştirak ediblər.
Əvvəlcə tədbir iştirakçıları Ümummilli Lider Heydər Əliyevin abidəsini ziyarət edərək önünə gül dəstələri düzüblər.
Daha sonra Heydər Əliyev Mərkəzində Milli Qurtuluş Gününə, eləcə də Ulu Öndərin həyat və siyasi fəaliyyətinin müxtəlif mərhələlərinə həsr olunmuş foto sərgilərlə tanışlıq olub.
Tədbir Azərbaycan Respublikasının Dövlət Himninin səsləndirilməsi ilə başlayıb. Ardınca Vətənimizin ərazi bütövlüyü uğrunda canlarından keçmiş şəhidlərin əziz xatirəsi bir dəqiqəlik sükutla yad edilib.
Çıxış edənlər 15 İyun Milli Qurtuluş Gününün Azərbaycan dövlətçiliyinin qorunması və inkişafında müstəsna əhəmiyyətindən danışaraq, Ümummilli Lider Heydər Əliyevin xalq və dövlət qarşısındakı tarixi xidmətlərini vurğulayıblar.
