ilkinxeber.az informasiya agentliyi xəbər verir ki, sentyabrın 16-da ölkə ərazisində hava şəraitinin əsasən sabit və yağmursuz keçəcəyi gözlənilir.
Paytaxt Bakıda və Abşeron yarımadasında gün ərzində dəyişkən buludlu hava müşahidə olunacaq. Yağıntı ehtimalı azdır. Gecə və səhər saatlarında bəzi ərazilərdə zəif duman yaranacaq. Küləyin istiqaməti gün ərzində dəyişərək cənub-qərbdən şimal-şərqə yönələcək.
Bakıda gecə saatlarında temperatur 18-22 dərəcə, gündüz 28-33 dərəcə isti olacaq.
Rayonlarda hava əsasən yağmursuz keçsə də, günün ikinci yarısında dağlıq və dağətəyi ərazilərdə hava şəraitinin dəyişəcəyi gözlənilir. Ayrı-ayrı yerlərdə qısamüddətli yağış, leysan, şimşək və dolu ehtimalı var. Dağlıq ərazilərdə gecə və səhər saatlarında duman müşahidə ediləcək.
Rayonlarda gecə temperaturu 18-21 dərəcə, gündüz 30-35 dərəcə isti olacaq. Dağlıq ərazilərdə isə gecə 8-13 dərəcə, gündüz 22-27 dərəcə isti proqnozlaşdırılır.
Küləyin əsasən şərq istiqamətində əsəcəyi bildirilir.
