Təkrar sertifikatlaşdırma prosesində uğur əldə etməyən təhsilverənlərlə bağlı işlərin təşkili məqsədilə xüsusi komissiyalar yaradılıb.
ilkinxeber.az informasiya agentliyi məlumat verir ki, bu barədə açıqlama Məktəbəqədər və Ümumi Təhsil üzrə Dövlət Agentliyi tərəfindən APA-ya verilib.
Qeyd olunub ki, 2026-cı ildə keçirilmiş təkrar sertifikatlaşdırma prosesində keçid balını toplaya bilməyən təhsilverənlərlə iş aparılması üçün formalaşdırılan komissiyalar iyulun 31-dək Agentliyin yerli təhsili idarəetmə bölmələrində fəaliyyət göstərəcək.
Məlumata əsasən, komissiyaların əsas məqsədi sertifikasiya imtahanından uğurla keçə bilməyən müəllimlərlə işin düzgün qurulması, onların sosial vəziyyətinin mərhələli şəkildə qiymətləndirilməsi və alternativ iş imkanları ilə təmin olunması məsələlərinin araşdırılmasıdır.
