Türkiyə Prezidenti Rəcəb Tayyib Ərdoğan Azərbaycanın Milli Qurtuluş Günü münasibətilə təbrik mesajı ünvanlayıb.
İLKİNxeber.az xəbər verir ki, Türkiyə lideri bununla bağlı sosial şəbəkə hesabında paylaşım edib.
Ərdoğan paylaşımında 15 İyun Milli Qurtuluş Günü münasibətilə Azərbaycan xalqını təbrik etdiyini bildirib. O, Türkiyə ilə Azərbaycan arasındakı qardaşlıq münasibətlərinə toxunaraq, “bir millət, iki dövlət” prinsipinin ölkələr arasında sarsılmaz bağların təməli olduğunu vurğulayıb.
Türkiyə Prezidenti bütün azərbaycanlılara salam və sevgilərini çatdıraraq, iki qardaş ölkə arasındakı birliyin və həmrəyliyin bundan sonra da davam edəcəyini qeyd edib.
