Dünya neft bazarında qiymətlərdə ciddi artım qeydə alınıb. “Brent” markalı xam neftin qiyməti yenidən 100 dollar həddini keçib.
ilkinxeber.az informasiya agentliyinin məlumatına görə, Londonun ICE birjasında noyabr fyuçersləri gün ərzində 2 faizdən çox bahalaşaraq bir barel üçün 100 dollardan yuxarı qalxıb.
Ticarət zamanı “Brent”in qiyməti 100,06 dollara qədər yüksəlib. Sonrakı dəqiqələrdə artım tempi bir qədər zəifləsə də, neftin bir barelinin qiyməti 100 dollar səviyyəsində qalıb.
ABŞ-nin WTI markalı neftində də bahalaşma müşahidə olunub. Oktyabr fyuçerslərinin qiyməti 1,77 faiz artaraq 94,68 dollara çatıb.
Neft qiymətlərindəki son artım dünya enerji bazarında diqqət çəkən əsas göstəricilərdən biri kimi qiymətləndirilir.
