Bakıda 7 məktəbdə distant təhsil keçiriləcək

İlkinxeber.az informasiya agentliyi məlumat verir ki, Formula 1 üzrə Azərbaycan Qran-Prisinin keçirilməsi ilə əlaqədar Bakıda 7 ümumi təhsil müəssisəsində tədris distant formada təşkil olunacaq.
Bakı Şəhəri üzrə Təhsil İdarəsindən bildirilib ki, Bakı Şəhər Halqasının əhatə etdiyi prospekt və küçələrdə nəqliyyatın hərəkətinin 22-27 sentyabr tarixlərində məhdudlaşdırılması nəzərə alınaraq, sözügedən məktəblərdə 22-26 sentyabr 2026-cı il tarixlərində dərslər məsafədən keçiriləcək.
Distant təhsilə keçən müəssisələr bunlardır:
Tofiq İsmayılov adına 6 nömrəli lisey
Məmməd Rahim adına 7 nömrəli tam orta məktəb
Kərim Kərimov adına 8 nömrəli tam orta məktəb
Tahir Həsənov adına 23 nömrəli tam orta məktəb
160 nömrəli Klassik Gimnaziya
132-134 nömrəli lisey
İlyas Əfəndiyev adına Elitar gimnaziya
Qeyd edək ki, Formula 1 Azərbaycan Qran-Prisi ilə əlaqədar Bakının bir sıra ərazilərində nəqliyyat məhdudiyyətləri tətbiq olunur.