ilkinxeber.az informasiya agentliyi xəbər verir ki, Tibbi Ərazi Bölmələrinin İdarəetmə Birliyinin (TƏBİB) sabiq departament müdiri Fidan Mahmudova yeni vəzifəyə təyin olunub.
Fidan Mahmudova müvafiq əmrlə İslam Əməkdaşlıq Təşkilatının (İƏT) Əmək Mərkəzində fəaliyyətə başlayıb. O, hazırda mərkəzin Çoxtərəfli əlaqələr və strateji tərəfdaşlıq departamentinin direktoru vəzifəsini icra edir.
Qeyd edək ki, İƏT-in Əmək Mərkəzi Bakı şəhərində yerləşir. Mərkəz 2023-cü ildə yaradılıb və qərargahı Bakıdadır.
Xatırladaq ki, Fidan Mahmudova 2024–2026-cı illərdə TƏBİB-in Beynəlxalq əlaqələr departamentinin rəhbəri vəzifəsində çalışıb. O, bu ilin iyun ayında TƏBİB-in İcraçı direktoru Anar Bayramovun əmri ilə tutduğu vəzifədən azad edilib.
