ilkinxeber.az informasiya agentliyi xəbər verir ki, bu məsələ Milli Məclisin Təbii ehtiyatlar, energetika və ekologiya komitəsinin bugünkü iclasında müzakirəyə çıxarılan “Sahibkarlıq sahəsində aparılan yoxlamaların dayandırılması haqqında” qanuna dəyişiklik layihəsində öz əksini tapıb.
Layihəyə əsasən, hazırkı qanunvericilikdə qida və yem məhsullarının təhlükəsizliyinə nəzarət istisna kimi nəzərdə tutulsa da, bu nəzarətin ilkin mərhələsi olan balıqçılıq fəaliyyəti birbaşa şəkildə əhatə olunmur.
Təklif edilən dəyişiklik qida təhlükəsizliyi sistemində mövcud olan bu boşluğu aradan qaldırmağı və nəzarətin “istehsaldan istehlaka qədər” prinsipi əsasında həyata keçirilməsini təmin etməyi hədəfləyir.
Qeyd olunur ki, balıqçılıq sahəsində qanunsuz ovlanma və kvota pozuntuları kimi hüquqazidd hallar qısa müddətdə baş verdiyi və geniş təsir göstərdiyi üçün bu sahədə operativ nəzarətin təmin olunması mühüm əhəmiyyət kəsb edir. Bu isə ekoloji tarazlığın qorunması, biomüxtəlifliyin saxlanılması və əhalinin keyfiyyətli ərzaq məhsulları ilə təminatı baxımından vacib hesab olunur.
